IRAKURKETA DIALOGIKOA HEZKUNTZA TRESNA GISA

Fernando Buesa Fundazioa, sortu zenetik, irakasleei lagundu nahi izan die balioetan hezteko lana burutzen, bake eta askatasun etorkizun demokratikoa lortzeko bide bakarra baita. Hori dela-eta, zenbait material eta argitalpen sortzen joan gara, eta horiek guztiak euskal irakasleen eta ikastetxeen esku jarri ditugu hezkuntza buletinen bitartez.

Halaber, 2011-2012 ikasturtetik Eusko Jaurlaritzako Hezkuntza Sailarekin lan egin dugu GARATU irakasleak trebatzeko ikastaroan antolatzen; gure ustez, horietaz baila gaitezke irakasle guztiei informatzeko eta orientatzeko hezkuntza buletin monografiko baten bitartez. Horrela bada, datozen hilabeteetan gaiei buruzko informazioa eskainiko dugu (eskola jazarpena, biktimen lekukotasuna, hizketaldi dialogikoak, kultura aniztasuna, genero berdintasun, gizabidezko portaera, etab.). Horretarako, mintzaldiak eskainiko dituzten irakasleen eta aholkularien profesionaltasunean oinarrituko gara, irakasleei bizikidetzaren gaiak lantzeko duten lan gogorrean laguntzen jarraitzeko.

Miguel Loza Aguirrek* buletin honetan literatura hizketaldi dialogikoak tresna pedagogiko gisa erabiltzeko gaia landuko du. Oso erabilgarria izango zaizuelakoan gaude.

Literatura hizketaldi dialogikoa

«Literatura hizketaldien metodologia, irakurketa dialogikoan oinarritzen da, testu batetik abiatuta irakurri eta horri esanahia emateko prozesu gisa ulertuta. Irakurleek ulertzea sustatuko dute, literatura interpretazioetan sakonduko dute eta bizitzari eta gizarteari buruz hausnarketa kritikoa egingo dute beste irakurle batzuekin berdintasunez hitz egiten. Horrela bada, eraldaketa pertsonal eta sozialerako aukerak sortuko dira. Halako jarduerak, irakurtzeko hezkuntza- eta kultura-prozesuari beste esanahi bat emango dio.»

Pertsona helduekin elkarrizketa dialogikoek oso emaitza onak ematen dituztela egiaztatuta, Miguel Lozak gain hartu du Lehen Hezkuntzako eta Bigarren Hezkuntzako geletan sartzeko erronka. Parte-hartzaileen balorazioak ez du zalantzarako lekurik utzi: sentimenduak adierazten, entzuten, gainontzekoen iritziak errespetatzen eta irakurketarekin gozatzen lagundu die.

Gehiago irakurri


*Miguel Loza Aguirre, Vitoria-Gasteizko Berritzeguneko Helduen Hezkuntzako aholkulari da.

HIZKETALDI DIALOGIKOEN INGURUAN DITUGUN PEDAGOGIA-BALIABIDEAK

Literatura eta musika hizketaldien eta hizketaldi dialogikoen atari ofiziala

Hitzak Partekatuz bloga