FERNANDO BUESA FUNDAZIOA ETA BALOREETAN HEZIKETA
Fernando Buesa Fundazioak hasieratik lan egin du irakasleei beren hezkuntza zereginean laguntzeko. Baloreetan oinarritutako hezkuntzan zentratu gara, gure ustez horrela bakarrik lor daitekeelako bakean eta askatasunean oinarritutako etorkizun demokratikoa.
Badakigu nolako zailtasunak dituzten irakasleek elkarbizitzako gaiak tratatzean, batez ere hain arin aldatzen ari den eta baloreak etengabe zalantzan jartzen dituen gurea bezalako gizarte batean.
Horregatik, eskerrik asko gure boletin digitala irakurtzeagatik. Espero dugu hemen aurkezten dizkizuegun materialak lagungarri izango zaizkizuela zuen eguneroko jardunean.
Fundazioak hezkuntzaren esparrua landu du urte askotan. Ez dezagun ahaztu Fernando Buesa Hezkuntza sailburu izan zela euskal hezkuntza sistemarentzat erabakigarria izan zen garai batean. Presidente dugun Natividad Rodríguezek berak ere bere lan-bizitzaren zati handi bat irakaskuntzari eta orientazioari eskaini dio Gasteizko ikastetxeetan.
Fundazioa sortu zenetik gure ahalegin gehienak bideratu ditugu baloreetan oinarritutako irakaskuntzari buruzko ikerketara. Hala frogatzen dute “Eskola bakarrik. Irakasleen ahotsak” eta “Eskola zalantzan. Ikasle eta familien ahotsak” izeneko ikerlanek. Imanol Zubero soziologoak zuzendutako eta Ana Irene Del Valle eta Elisa Usategui irakasle ikertzaileek burututako ikerketa honen bidez diagnostiko bat egin nahi izan dugu jakiteko zein egoeratan dagoen baloreetan oinarritutako hezkuntza Euskadiko ikastetxeetan. Une honetan ikerketa horren hirugarren fasea egiten ari gara, argitu nahian zeintzuk diren Euskadiko irakasleek irakasle eskoletan eta gaikuntza pedagogikoko masterretan jasotzen duten prestakuntzaren ahuleziak eta indar-guneak, hori jakin ondoren gauza izan gaitezen prestakuntza horren hobekuntzarako proposamenak aurkezteko. Gure azken helburua da administrazioari jakinaraztea zein ekintzek lagundu dezaketen irakasleei baloreetan oinarritutako prestakuntza hobea ematen.
Horrekin batera, baina, ikasgelarekin estuago lotutako lan bat ere egin nahi izan dugu, harreman zuzenagoa izango duena gure ikastetxeetako haur eta nerabeekin, eurek baitira gure proiektuen azken hartzaileak. Eta ikasleengana hurbiltzeko erabaki dugu irakasleen lana baliatzea, hiritartasun balioak irakasteko heziketa tresnez hornitu ditugun irakasleen lana alegia.
Asmo hori gogoan, komiki maratoiak, erakusketa ibiltariak eta lehiaketak antolatu ditugu, eta komikiak argitaratu ditugu Gandhi, Martin Luther eta Wangariri buruz.
Sail horretan azkenik egin dugun lanaren helburua izan da 2.0 material interaktiboak sortzea Giza Eskubideak irakasteko. Material horien bidez Lehen Hezkuntzako azken urteetako eta Bigarren Hezkuntzako lehen zikloko ikasleengana hurbildu nahi dugu.
Aurkezpena MATERIAL DIDAKTIKOAK
Aurkezpen honetara gonbidatuta daude Baloreetan oinarritutako Hezkuntzaz kezkatuta dauden, eta heziketa- eta irakaskuntza-lana etengabe hobetu nahi duten hezkuntzako profesionalak, irakasleak eta orientatzaileak.
|
Escuela y silencio tras la declaración de ETA . PABLO GARCÍA DE VICUÑA PEÑAFIEL
ElPais.com 2011/10/28. Dokumentuaren hizkuntza: GAZTELANIA
|
GIZA ESKUBIDEEI BURUZKO BIDEOJOKOA Bere hezkuntza-lanaren bidetik jarraituz, Fernando Buesa Fundazioak Manrais, zure eskuetan daude bideojokoa sortu du. Bideojoko interaktibo honen helburua da Giza Eskubideen Aldarrikapen Unibertsalaren bederatzi artikulu ezagutaraztea eta haietaz gogoeta eginaraztea. 10-13 urteko haurrengandik gertuen dauden egoerak islatzen dituzten artikuluak jorratzen dira bideojokoan.
|
SEKUENTZIA DIDAKTIKOAK |
BALOREEN HEZKUNTZA EUSKADIKO IKASTETXEETAN Eskola bakarrik. Irakasleen ahotsak  Aurkibiderako esteka Aurkezpenerako esteka Testu osoa Eskola zalantzan. Ikasle eta familien ahotsak |
|
Fundación Fernando Buesa Blanco Fundazioa
Helbidea: Los Herrán kalea, 46 C-behea. 01003. Vitoria-Gasteiz
Telefonoa: 945 234 047
Fax: 945 233 699
Email: info@fundacionfernandobuesa.com