GOGOETARAKO ARRAZOIAK
Azken hilabete hauetan ikusten ari garen gertakariek kezka eta nahigabe sentipena zabaldu dute terrorismoaren biktimen eta hiritar askoren artean. Guk ere sentipen hori partekatzen dugunez, Fundazioaren apaltasunetik gogoeta batzuk egin nahi genituzke.
Kezkaz beterik ikusten ditugu gertakariek hartu duten norabidea Bildu koalizioa legeztatu zenetik eta maiatzaren 22ko hauteskundeetan hain ordezkaritza handia lortu zuenetik.
Bat egiten dugu terrorismoaren biktimek daukaten ondoezarekin ikusirik Epaitegi Konstituzionalak Bildu koalizioa legeztatzeko emandako epaia. Mesfidantza sortzen digu Bildu erakundeetan ikusteak, eta behartuta gaude erne egotera eta Bilduko jendeari zorroztasun demokratikoz exijitzera egunez egun froga dezatela indarkeriari benetan uko egin diotela eta aurrerantzean bide baketsu demokratikoak besterik ez dituztela erabiliko politika egiteko. Orobat eskatu behar diegu exijitu diezaiotela ETAri desagertzeko eta aitortu dezatela iragan urteetan egindako kaltea.
Halere, eta zaila bazaigu ere, uste dugu epai hori errespetatu egin behar dela, beste epaimahai batzuen epai guztiak errespetatzen ditugun bezala, horretara behartzen baikaitu Zuzenbide Estatuari diogun konfiantzak. Oso arriskutsua iruditzen zaigu epaimahaien erabakiak deslegitimatzea. Beste inori baino gehiago ETAri berari interesatzen zaio Zuzenbide Estatuaren erakundeak deslegitimatzea, eta gizarteko gainerako kideok portaera demokratiko eredugarria agertu beharko genuke.
Kontuan hartu behar da BILDU, Zuzenbide Estatuak beharturik, joko-arau demokratikoak onartzera makurtu dela, Batasunaren munduak hogeita hamar urtez borrokatu dituen joko-arau berberak hain zuzen ere. Beren estrategiako itzulipurdi hori Zuzenbide Estatuaren garaipena da. Ez erabateko garaipena, ordea, oraindik ez baitiote eskatu ETAri desagertzeko eta ez baitute aitortu egin duten kaltea.
Baina suminak ez gaitzala eraman hain luzaz eta hain nekez defendatu ditugun printzipioen aurkako ezer egitera edo esatera. Ez da garaia amore emateko edo balio demokratikoak zalantzan jartzeko, baizik eta balio horiek beren konplexutasun eta ondorio guztiekin onartzeko.
Era berean, garaia da erakunde demokratikoak defendatzeko eta Zuzenbide Estatuak erakunde horiei ematen dien legitimitatea aitortzeko. Zentzu horretan, jaso genuenean Diputatuen Kongresuko Presidentziak egindako gonbita azaldu gintezen terrorismoaren biktima guztiak omentzeko bigarren Osoko Bilkura berezi solemnera, gure Fundazioak erabaki zuen azaltzea, uste dugulako terrorismoaren biktimek ongi mereziak dituztela erakundeek antolatzen dizkieten omenaldi guztiak, bai hain luzaroan ahantzirik egon den sufrimenduarengatik, eta bai Zuzenbide Estatuaren aldera beti agertu duten konfiantzarengatik.
Ez dezagun ahantz Espainiako Legebiltzarra dela herri borondatearen ordezkaritza organo gorena. Eta bihotzetik eskertzen dizkiogu talde politiko guztien adostasunez terrorismoaren biktimen alde antolatu dituen omenaldi guztiak. Adostasun hori sekula baino beharrezkoagoa da orain, terrorismoa deslegitimizatzeko eta biktimei zor zaien aitorpena emateko erakundeek abiatzen dituzten ekimen guztietan, tira-bira politiko eta interes elektoralen gainetik jarririk gure gizartearen osasun demokratikoa.
16 eta 32 urte bitarteko Espainian egoiliarrak diren gazteei zuzendutako lehiaketa hiru sarietarako, handiena 1.500 eurotakoa FERNANDO BUESA BLANCO FUNDAZIOAk indarkeriaren deslegitimazioari buruzko Dokumental eta Film laburren Estatuko lehen Lehiaketa-Erakusketa antolatu du. Lehiaketa honetan Espainiako Estatuan bizi diren eta ikus-entzunezkoen esparruarekiko interesa, ezagutza edota esperientzia duten 16 eta 32 urte bitarteko gazteek har dezakete parte, hurrengo sarietara hautatuz: lehen saria 1.500, bigarrena 1.000 eta hirugarrena 500 eurotakoak. Lehiaketa honek gazteen artean baloreak eta Giza Eskubideak sustatzea du helburu, horretarako indarkeria kolektiboa agerian utziko duten eta berorren deslegitimazioari buruzko hausnarketa bultzatuko duten ikus-entzunezkoak sortuz. Bere burua talde bateko kidetzat jotzen duten norbanakoek indarkeria helburu politiko, ekonomiko edo sozialak lortzeko erabiltzen dutenean indarkeria kolektiboaren aurrean gaude. Definizio honi heltzen diogu guk, zeinek terrorismoa, kale borroka, arraza suntsiketa eta suntsiketa ideologikoa, mafia sareak eta gazte bandak, besteak beste, barneratzen ditu. Parte-hartzaileek sorkuntza propioko eta aurretik editatu gabeko nahi adina obra aurkeztu ditzakete, hauek dokumentalak, fikziozkoak edota animaziozkoak izanik, betiere deialdian adierazitako gaiari buruzkoak badira. Film laburrek zein dokumentalek 10 minutuko iraupena izango dute gehienez, eta Espainiako Estatuko edozein hizkuntza ofizialetan aurkeztu daitezke. Materialak jasotzeko azken eguna 2011ko azaroaren 30a. |
GARATU 2011-2012 IKASTAROAK
Fundazioa lankidetzan ariko da Hezkuntza Sailarekin irakasleak prestatzeko
Datorren ikasturtean Euskal Autonomi Erkidegoko irakasleek Fernando Buesa Fundazioaren proposamenarekin jarraituko dute. “Baloreetan Heztea: Giza Eskubideak eskola demokratikoan” izenburupean, prestakuntza eta hausnarketarako astia hartzen jarraituko dugu hezkuntzaren eta humanismoaren munduko pertsona ospetsuen laguntzaz, eta horrela, irakasleak orientatuko ditugu baloreetan hezteko langintzan.
Hezkuntzaz hitz egitea baloreen transmisioaz (arauak, portaera ereduak, oinarrizko orientazioak, helburuak) hitz egitea da. Orduan zergatik aipatzen ditugu bereizi ahal izango balira bezala? Seguru asko bi kontzeptuen arteko harreman hutsaletik haratago joan nahi dugulako, eta hutsal diogu ez garrantzirik ez daukalako, baizik eta agerikoa delako. Edo agian hainbeste denboraz naturaltzat hartu dugun harreman hori gaur egun krisi sakonean murgilduta dagoelako.
Irakasleei zuzendutako ikastaroa den arren, interesaturik dagoen edonor joan daiteke hitzaldi presentzialetara.
Bilboko ikastaroa, 918 zk. (matrikula itxita)
Donostiako ikastaroa, 917 zk. (matrikula itxita)
Gasteizko ikastaroa, 304 zk.
Matrikula: Irailaren 5tik 23ra, Hezkuntzako Lurralde ordezkaritzetan edo web orri honen bitartez
LIBURUAREN AURKEZPENA
IV. TOPAKETAK
¿QUÉ SIGNIFICA DESLEGITIMAR EL TERRORISMO...?
FUNDACIÓN FERNANDO BUESA ETA ALDAKETA-CAMBIO POR EUSKADI
2010eko maiatzaren 31n Fernando Buesa Fundazioak eta Aldaketa erakundeak beren IV. Topaketak ospatu zituzten Bilbon, "Zer esan nahi du terrorismoa deslegitimatzeak?" izenburupean. Jardunaldian hainbat adituk parte hartu zuten: Joseba Arregik "Terrorismoaren deslegitimazioa eta Zuzenbide Estatuaren legitimazioa" izan zituen hizpide; Jose Mª Ruiz Soroak Batasunaren ilegalizazioari buruzko Estrasburgoko epaiaz duen iritzia eman zuen, "Zer esan nahi du terrorismoa judizialki deslegitimatzeak" hitzaldiarekin; Florencio Domínguez kazetariak "Zer esan nahi du terrorismoa komunikabideetan deslegitimatzeak" gaiari buruz hausnartu zuen, "Vidas Rotas" lana egiteko erabili dituen printzipioak oinarritzat hartuta; eta Imanol Zubero soziologoak "Terrorismoaren deslegitimazioa hezkuntzan pedagogia demokratiko bezala" hitzaldia eskaini zuen. Imanol Zuberoren esanetan horixe da modurik onena azaltzeko zer den Zuzenbide Estatua Hiritartasuneko Hezkuntza ikasgaian, bereziki Euskadin. Irakurtzen jarraitu
Memoria zentroak(IV Eranskina)
ESKAERAK: 945 234 047 telefonoan edo posta elektronikoan centrodocumental@fundacionfernandobuesa.com
IZENBURUA: IV ENCUENTROS / IV. TOPAKETAK. ¿QUÉ SIGNIFICA DESLEGITIMAR EL TERRORISMO...? URTEA: 2011 ISBN: 978-84-615-1251-5 |
UDAKO IRAKURKETA IRADOKIZUNAK
EL ÁNGULO CIEGO. Luisa Etxenike
-
PADRE PATRIA. Vicente Carrión
-
ETXEKO HAUTSA. Ánjel Lertxundi
-
LA VIDA ANTE SÍ. Émile Ajar (Romain Gary)
Vídeos de la presentación de la publicación IV. Encuentros/Topaketak Fundación Mario Onaindia 2011/06/29. Dokumentuaren hizkuntza: GAZTELANIA.
Una puerta abierta a la memoria
El Correo 29/06/2011. Dokumentuaren hizkuntza: GAZTELANIA.
Las víctimas de ETA se rebelan contra cualquier intento de «domesticarnos»
El Correo 31/05/2011. Dokumentuaren hizkuntza: GAZTELANIA.
Hemeroteca variada sobre los V. ENCUENTROS / V. TOPAKETAK EL FINAL DE ETA SIN IMPUNIDAD
Varios Medios 31/05/2011. Dokumentuen hizkuntza: GAZTELANIA.
Vídeos de los V. Encuentros/Topaketak Fundación Mario Onaindia 03/06/2011. Dokumentuaren hizkuntza: GAZTELANIA.
El espejo retrovisor. PEIO SALABURU
El Diario Vasco 03/07/2011. Dokumentuaren hizkuntza: GAZTELANIA.
El delito y la culpa. REYES MATE
El Diario Montañés 01/07/2011. Dokumentuaren hizkuntza: GAZTELANIA.
Víctimas del terrorismo. Legislación y actitudes sociales. JESUS PRIETO MENDAZA
El Correo. 28/06/2011. Dokumentuaren hizkuntza: GAZTELANIA.
Lo que pasa en Gipuzkoa. JAVIER ELZO
Diario Vasco 26/06/2011. Dokumentuaren hizkuntza: GAZTELANIA.
Los ciudadanos víctimas. GESTO POR LA PAZ
Diario Vasco 18/06/2011. Dokumentuaren hizkuntza: GAZTELANIA.
ZOOMRIGHTSIndarkeria Terroristak eragindako Giza Eskubideen Urraketen Behatokia
|
GIZA ESKUBIDEEI BURUZKO BIDEOJOKOA Bere hezkuntza-lanaren bidetik jarraituz, Fernando Buesa Fundazioak Manrais, zure eskuetan daude bideojokoa sortu du. Bideojoko interaktibo honen helburua da Giza Eskubideen Aldarrikapen Unibertsalaren bederatzi artikulu ezagutaraztea eta haietaz gogoeta eginaraztea. 10-13 urteko haurrengandik gertuen dauden egoerak islatzen dituzten artikuluak jorratzen dira bideojokoan. |
Fundazioaren Dokumentazio eta Ikerketa Zentroaren bidez edozein erabiltzailek kontsulta dezake gure dokumentazioa eta, gainera, zenbait komunikabidetarako estekak aurkituko dituzte web orri espezializatuetan. Albisteetan jasotzen da, besteak beste, terrorismoaren biktimen esanahi politikoari eta ikusgarritasunari, biktimen testigantza pertsonalari eta terrorismoa etikoki, politikoki eta sozialki deslegitimatzen laguntzen duen orori buruz argitaratu dena.
|
|
Fundación Fernando Buesa Blanco Fundazioa
Helbidea: Los Herrán kalea, 46 C-behea. 01003. Vitoria-Gasteiz
Telefonoa: 945 234 047
Fax: 945 233 699
Email: info@fundacionfernandobuesa.com