Gure aldizkari digitalaren 1. zenbakia jarri dugu abian, 0 zenbakiaren ondoren, ibilbide luzekoa izango delakoan. Berau gure arteko leiho elektronikoa izateko jaioa da, Fundazioaren jarduerak zuokin guztiokin bat egiteko asmo sendoa duena. Garai zailak bizi ditugu, berriro ere, ETAk berriro heldu baitio izua zabaltzeari, heriotza eta samina lagun dituela. Horren lekuko izan da Legutioko koartelari eginiko erasoa. Lerro hauen bidez samurtasunez gogoratu eta bat egin nahi dugu Juan Manuel Piñuelen familiarekin eta lagunekin. Era berean, salatu nahi dugu “El Correo” egunkariaren aurkako atentatu koldarra. Eraso horrek arriskuan jarri ditu bizitza asko eta, halaber, zuzenbide-estatuan oinarri-oinarrian duen adierazpen askatasunaren aurkakoa da.

Atentatu horrez gain, beste asko salatu nahi ditugu, estortsioa eta pertsona zein enpresei eginiko jazarpenak, besteak beste. Gure elkartasun gertukoena erakutsi nahi diegu Euskadin elkarbizitza demokratikoa ahalbidetzen duten, eguneroko konpromisoa tarteko, pertsona eta kolektiboei. Adierazi nahi dugu aurrerapausu handia dela terrorismoaren biktimek erakundeetatik jasotako aitortza eta hurbiltasuna, leungarri izan daitezke terrorismoaren erasoa sufritu dutenenentzat. Baina, era berean, omenaldi ekitaldiak hutsalak gerta litezke, erretorika hutsa, baldin eta terrorismoaren deslegitimazio sozialaren eta politikoaren aldeko apustu garbirik egiten ez bada, etenik gabe. Bestalde, demokraten zatiketa dugu geure begien aurrean, tartean Isaias Carrascoren hilketari emandako erantzun epela. Gizartearen zatiketa dakarten proiektu politiko baztertzaileak plazaratzen dira, ETA kolokan jarri baino protagonismoa eman diezaioketenak. Biktimek ETAren eta bere proiektu politikoaren behin betiko amaiera baino ez dute nahi eta demokrata guztiek bat egitea hori lortzearren, horixe da jaso dezaketen omenaldirik hunkigarriena.

Natividad Rodríguez, Fundación Fernando Buesa Blanco Fundazioa

FERNANDO BUESA VII. MINTEGIA
"Komunikabideak balore demokratikoen sustatzaile"
2008ko ekainaren 26 eta 27

Donostiako Miramar Jauregian kokaturik, Fernando Buesa Mintegiaren hasiera gertu dagoela gogorarazi nahi dizuegu eta baduzuela entzule gisa bertaratzea Fundazioak hala gonbidatuta. Horretarako gurekin harremanetan jarri besterik ez duzue. info@fundacionfernandobuesa.com

ikastaroaren egitaraua link

BAKEAREN ALDEKO KOMIKIEN ERAKUSKETA IBILTARIA “Hitzaren eta irudiaren balioa"

Irailaren 15ean abian jarriko da “Hitzaren eta Irudiaren Balioa” erakusketa ibiltaria Euskadiko ikastetxe eta gizarte-etxeetan zehar. Erakusketa honek, besteak beste, Vitoria-Gasteiz, Langraitz, Bilbo, Sopela, Barakaldo, Donostia, Zarautz eta Eibar herrietara abiatuko da. Multimedia laburpen bat aurreratuko dizuegu erakusketa ibiltari honetan izango diren ekitaldiez horniturik. Zure ikastetxeak programa honetan parte hartu nahi badu, jarri harremanetan Fundazioaren posta helbidearekin. info@fundacionfernandobuesa.com

Sakatu hemen multimedia laburpena ikusteko

BALORETAN TRANSMITITZEA ESKOLAN, GIZARTEAN TXERTATZEA ETA KOHESIORAKO ESTRATEGIA GISAk


Fundación Fernando Buesa Fundazioak jarraitzen du ikerketa proiektuarekin Euskal Herriko Unibertsitateko Soziologia Sailarekin elkarlanean. Ikertzaile taldea Imanol Zubero Beaskoetxea irakasleak zuzendurik, Elisa Usategui Basozabal eta Ana Irene del Valle Loroño irakasleek osatzen dute. Aurten proiektuaren bigarren faseari heldu zaio, ikasleak eta familiak dituena ikerketa-unibertso gisa. Bere xedea eskolak ikasle eta familien artean zein zentzu duen sakontzea da, bereziki baloretan hezteari dagokionez. Ikasleek nola ikusten, ulertzen eta bizi duten baloretan heztea eskolan eta eskolatik kanpo eta nola eragiten duen eskola-familia binomioak testuinguru horretan dira ikerketa enpirikoa gidatzen duten helburuak, eztabaida taldetan oinarriturik.

Lehenengo eta bigarren faseei buruzko informazio gehiago

Fundazioaren azken albisteak komunikabideetan.

Begiratu Hemeroteka

TERRORISMOAREN DESLEGITIMAZIOAREN ALDE

...1980ko urriaren 23ra arte abia gaitezen nahi dut, une batez. Euria ari zuen Donostian. Aita, Juan Manuel García Corderok, 53 urteko donostiarra, Gipuzkoan Telefonicako ordezkari probintziala, behin eta berriro esan zidan autoz eramango ninduela eskolara. Ni, bizikletazale amorratua izanik, ezetz esan nion adeitasunez, bizikleta egun euritsuetan ere nire garraiobidea zela adierazi nion. Esan eta egin, nork bere bidea hartu zuen. Bera autoz lanera eta ni, minutu batzuk geroago, bizikletan eskolara…

 Segi irakurtzen Iñaki García Arrizabalagaren diskurtsoa Kursaaleko terrorismoaren Biktimen Omenaldia ekitaldian (2008ko maiatzaren 18a)